Қазақстан бидай мен ұн экспортына квотаны 30 қыркүйекке дейін ұзартады, деп хабарлайды "Ұлт ақпарат" Ауыл шаруашылығы министрлігіне сілтеме жасап.
"Сыртқы сауда саясаты және халықаралық экономикалық ұйымдарға қатысу жөніндегі ведомствоаралық комиссия республиканың азық-түлік қауіпсіздігін қамтамасыз ету мақсатында биылғы жылдың 30 қыркүйегіне дейін үшінші елдерге және ЕАЭО елдеріне 550 мың тонна көлемінде бидай мен меслин, сондай-ақ үшінші елдерге 370 мың тонна көлемінде бидай мен бидай-қара бидай ұнының экспортына шектеу енгізу туралы шешім қабылдады.
Министрлік ауыл шаруашылығы өнімдерін квоталау механизмін бекіту бойынша шаралар қабылдап жатыр" делінген хабарламада.
Айта кетейік, 15 маусымға дейін Қазақстаннан 1 миллион тонна бидай мен 300 мың тонна мөлшерінде ұнды сыртқа шығаруға квота енгізілген болатын.
Қазақстанның Астық одағының соңғы мәліметіне сәйкес, бидайға арналған квотаны игеру 50 пайызды, ұн бойынша 87 пайызды құрап отыр.
734 рет оқылды
_140_110.jpg)
