ҚР Энергетика министрі Болат Ақшолақовтың айтуынша, Қазақстан 2030 жылға қарай газ өндірісін 6,7 млрд текше метрге ұлғайта алады, деп хабарлайды ҚазАқпарат.
«Мемлекет басшысының тапсырмасымен жер қойнауын пайдалануға арналған жақсартылған модельдік келісімшарттар топтамасы дайындалды. Заңнамаға тиісті түзетулер жыл соңына дейін қабылданады.
Бұл шаралар жиынтық газ қоры шамамен 93,6 млрд текше метр болатын кенішті өндіріске дайындап, 2030 жылға қарай жылына 6,7 млрд текше метр қосымша тауарлық газ өндірумен газ өндіруге мүмкіндік береді», - деді Болат Ақшолақов.
Сондай-ақ, ол сұйытылған газдың биржасына көшу 2023 жылдың 1 қаңтарына ауыстырылғанын еске салды.
«Биржаларда сауда-саттықтың күрт өсуіне жол бермеу үшін сауда-саттық белгіленген шекті бөлшек баға шегінде жүргізіледі. Сұйытылған мұнай газдың көлікке ілеспе жүкқұжатына және сату кезінде фискальдық чектерді жазуға қойылатын талаптарды заңнамалық нормалар арқылы қатаңдату ұсынылады. Сонымен қатар, салалық мемлекеттік орган бақылайтын тапшы тауарлар үшін бірыңғай тауар биржасын белгілеуді ұсынамыз», - деді министр.
Бұған дейін ҚР Президент Қасым-Жомарт Тоқаев газ бағасын жасанды жолмен ұстап тұру газ тапшылығын туындатуы мүмкін екенін айтқан еді.
629 рет оқылды
_140_110.jpg)
