Tengrinews.kz коллажы
Әнші Қайрат Нұртас туған күнін Мальдив аралдарында атап өтті, - деп хабарлайды Tengrinews.kz.
Әнші туған күнін Мальдив аралдарында атап өтетінін алдын ала жариялаған болатын. Яғни, ақылы негіздегі 30 адамға арналған 6 күндік тур. Әнші ұйымдастырған тур бағдарламасы бойынша танысу кеші, түрлі ойындар мен әншінің туған күніне арналған ән кеші өтті.
Қайраттың туған күнін тойлауға Мальдив аралдарына блогерлер келген. Ерке Есмахан да тосынсый ретінде әншіні құттықтап келген.
"Мен үшін келген әрбір жанға алғысым шексіз! Ағасын қолдап келген Нұрдәулет пен Әлішер бауырыма, тосынсый боп келіп, таңғалдырған Ерке досыма Алла екі дүниенің бақытын нәсіп етсін!" - деп жазды Қайрат Нұртас Instagram желісіндегі парақшасында.
Әншінің оқырмандары балаларын туған күнін тойлауға неге алып келмегенін сұраған. Қайрат Нұртастың әйелі Жұлдыз Абдукаримова әншінің оқырмандарын мазалаған сұраққа жауап берген. Жұлдыздың сөзінше, балалары әлі мектепте оқып жатқандықтан, оларды Мальдив аралдарына жібере алмаған.
"Балаларды сабақтың үстінен жұлып алып "сендер екі күннен кейін қаласаңдар да, қаламасаңдар да ұшасыңдар" демегенім үшін кешіріңіз, олардың оқуы мен қалауын таңдағаным үшін кешіріңіз, "не істейік?" деп сізбен ақылдаспағаным үшін кешіріңіз", - деп жауап берді Жұлдыз оқырманның сұрағына.
1924 рет оқылды
