Қалалық статистика департаментінің деректеріне қарағанда, 2018 жылғы қаңтар-мамыр айлары аралығында Астана қаласына 35370 адам келіп, 30981 адам көшіп кеткен (көші-қон айырымы +4389 адам), деп хабарлайды елорда әкімдігінің ресми сайты.
Осы жылдың қаңтар-мамыр айларындағы көрсеткішті 2017 жылғы қаңтар-мамырмен салыстырғанда келгендер саны 49,5 пайызға, кеткендер 37,5 пайызға азайған.
«Қаланың негізгі көші-қон алмасуы аймақтық көші-қон есебінен қалыптасқан: Осы жылдың қаңтар-мамыр аралығында келгендер 21322 адамды, кеткендер 16424 адамды құрайды. Елорда халқының көші-қон өсімінде келгендер үлесі Ақмола облысынан - 19,4%, Оңтүстік Қазақстаннан - 14,2%, Қарағандыдан - 9,8%, Шығыс Қазақстаннан - 8,9%, Алматы қаласынан - 8,2% және басқа облыстардан 39,5%-ды құрайды», делінген хабарламада.
Астана қаласының ТМД-ның мына елдерімен көші-қон айырымы оң мәнді: Әзербайжан Республикасы, Қырғыз Республикасы, Өзбекстан Республикасы.
Басқа елдермен оң мәнді көші-қон айырымы - негізінен Грузия, Ұлыбританиямен, Біріккен Араб Әмірлігі, АҚШ, Сауд Аравиясы, Испания, Чех Республикасы, Қытай, Жапония, Литва, Түркия, Корея Республикасы, Малайзия және Монғолия.
«Ұлт бойынша көшіп-қонушылар құрылымындағы айтарлықтай үлес салмақ қазақтарға тиесілі - 89,4%-ы және кеткендер санының 86,6%-ы келеді. Келгендер мен кеткендер арасында орыстардың үлесі тиісінше 5,5% және 7%, украиндар - 0,8% және 1%, өзбектер - 0,6% және 1,3%, татарлар - 0,8% және 0,7%, немістер - 0,5% және 0,7%, өзге ұлттар - 2,4% және 2,7%-ды құрайды», делінген департамент ақпаратында.
2737 рет оқылды
