Мемлекет басшысы Қасым-Жомарт Тоқаев Ресей Президенті Владимир Путинге көңіл айту жеделхатын жолдады, - деп хабарлайды «Ұлт ақпарат».
Қазақстан Президенті Татарстан Республикасы Мензелинск қаласының маңында кісі өліміне әкеліп соқтырған ұшақ апаты туралы хабарды терең күйзеліспен қабылдады.
«Қазақстан халқының және жеке өзімнің атымнан қаза тапқандардың жақындары мен туыстарының қайғысына ортақтасып көңіл айтамын. Апаттан зардап шеккендер тезірек сауығып кетеді деп үміттенемін», – деп жазылған жеделхатта.
Еске салсақ, Татарстанда жеңіл ұшақ апатқа ұшырады, бірнеше адам қаза тапты. 11 қазанда Татарстанда аза тұту күні деп жарияланды.
760 рет оқылды
