Фото: ronstik / Shutterstock
Қарасай ауданында медбикенің өліміне себеп болған күдікті ұсталды, деп хабарлайды "Ұлт ақпарат" Polisia.kz Telegram-арнасына сілтеме жасап.
ІІМ баспасөз қызметінің мәліметінше, 7 тамыз сағат 17:00 шамасында Қарасай ауданының ауруханасына 45 жастағы әйел кеуде қуысының жарақатымен түсіп, кейін алған жарақаты салдарынан қайтыс болған.
“Аталған дерек ҚР ҚК-нің 99-бабы (Кісі өлтіру) бойынша аудандық полицияда тіркелді.
Арнайы іс-шара барысында тәртіп сақшылары 42 жастағы Кошмамбет ауылының тұрғыны болып табылатын күдіктінің жеке басын анықтап, оны бір сағат ішінде “ізін суытпай” ұстады.
Қазіргі уақытта аталған деректі тергеудің толықтығын, жан-жақтылығын және объективтілігін қамтамасыз ету мақсатында сот-медициналық сараптама тағайындалып, тергеу іс-шаралары жүргізіліп жатыр”, - делінген хабарламада.
Қылмыс марқұм әйелдің жұмыс орнында жасалған.
Ұсталған адамның айтуынша, оқиға әйелдің кәсіби қызметіне байланысты емес, жеке қарым-қатынас салдарынан болған.
Өзге ақпарат ҚР ҚІЖК-нің 201-бабы бойынша жария етуге жатпайды.
574 рет оқылды
