Фото: Қарағанды облысы ТЖД баспасөз қызметі
Қарағандыда 41 жастағы ер адам көлігімен ағашқа соғылып, тірідей жанып кетті, - деп хабарлайды Tengrinews.kz сайты.
Жантүршігерлік жол апаты қаладағы Вагонная көшесінде болған. Алдын ала мәлімет бойынша, ер адам көлікті басқара алмай, ағашқа соғылған. Артынша Mercedes-Benz 124 автокөлігі жанып кеткен.
Бұл жайтқа қатысты Қарағанды облысының ТЖД өкілдері пікір білдірді.
"Жол апаты салдарынан 1982 жылы туған ер адам қайтыс болды. Өрт 18.08-де сөнідірілді", - деді ведомство өкілдері.
Ресми деректер бойынша, жол апатына қатысты сараптама тағайындалған.
"Факт полицияда тіркелді, тиісті сараптамалар тағайындалды, олардың нәтижелері бойынша процестік шешім қабылданады", - деп хабарлады Қарағанды облысы ПД баспасөз қызметі.
556 рет оқылды
