Қарағанды облысының Топар кентінің маңында жүк пойызы әйел адамды қағып кетті. Ол алған жарақатынан оқиға орнында мерт болды, деп хабарлайды ҚазАқпарат.
Қайғылы оқиға Қарағанды облысына қарасты «Қарабас-Топар» өткелінде болған.
«10 сәуірде аталған факті Қарағанды-Сұрыптау станциясындағы желілік полиция бөлімінде ҚР Қылмыстық кодексінің 344-бабы 2-бөлігі, яғни, «Абайсызда адам өліміне әкеп соққан теміржол көлігі қозғалысының қауіпсіздік қағидаларын бұзу« бойынша тіркелді. Қазіргі уақытта іс бойынша тиісті тергеу амалдары жүргізіліп жатыр», - деп хабарлады Қарағанды облысының көліктегі полиция департаментінің баспасөз қызметі.
Сондай-ақ ведомство аталмыш іс бойынша басқа ақпарат ҚР Қылмыстық іс жүргізу кодексінің 201-бабының талаптарына сәйкес тергеу мүддесіне орай жариялауға жатпайтынын мәлімдеді.
577 рет оқылды_140_110.jpg)
_80_80.jpg)
