Қазақстанда Үндістаннан келген тағы бір студент суға батып кетті, - деп хабарлайды Tengrinews.kz.
Оқиға 7 шілдеде Қапшағай су қоймасында болған. Алматы облысы Төтенше жағдайлар департаментінің мәліметінше, Асфендияров атындағы Қазақ ұлттық медицина университетінің студенті, 23 жастағы Үндістан азаматы күндізгі сағат 14:50 шамасында су қоймасында батып кеткен.
"Алматыдан келген бір топ студент су қоймасы жағасында жүзіп жүрген. Кейін олар жағадан алыс жүзіп, құтқарушылардың ескертуін елемеген. Бір кезде студенттердің бірі басқалардан әрі қарай жүзіп, өз күшін есептемей батып кетті", - деді ведомство өкілдері.
Студенттің денесін облыстық ТЖД құтқарушылары тауып алып шықты.
Еске салайық, бұған дейін маусымның аяғында Түркістан облысының Ақсу шатқалындағы су қоймасында Үндістаннан келген екі жігіт суға батып кетті. Қаза тапқандар Оңтүстік Қазақстан медицина академиясының студенттері еді.
797 рет оқылды
