Арандатушылар қоғам өкілдері мен халықты пайдаланды. Бұл туралы белгілі адвокат Абзал Құспан айтты, деп хабарлайды ҚазАқпарат.
«Қаңтар айының алғашқы күндерінде осындай әрекеттер - жаппай тәртіпсіздікті ұйымдастырушылар тарапынан анық көрініс тапты, өкініштісі сол - осы мақсатта олар қарапайым қоғам өкілдерін, халықты пайдаланғаны», - деді Абзал Құспан Мәжілістің жалпы отырысында.
Бұдан бөлек ол алдағы уақытта жергілікті прокуратура органдары өз қызметтеріндегі мынадай кемшіліктерге назар аударуын сұрады:
- бір ел, бір қылмыстық және қылмыстық процестік кодекс бола тұра, әр өңірдегі тәжірибенің әртүрлілігі;
- жергілікті жердегі құқық қорғау органдарының басшылығы жағдайдың қоғамдық, әлеуметтік, саяси маңызын түсіне бермейді;
- қоғам өкілдерімен, азаматтармен жұмыс басынан бастап дұрыс жолға қойылмаған;
- әлеуметтік желінің қазақ тілді сегментіне мониторинг жасамайды.
«Қылмыстық-процестік кодекстегі тергеу құпиясын алдыға тартып, негізгі жауапкершілікті сот органдарына жүктеп, өздерінен ысыра салғысы келетіндей сыңай байқалады», - деді А. Құспан.
574 рет оқылды
_80_80.jpg)
