04 қар, 2020 сағат 09:00

JETI QAZYNA коллекциялық монеталары айналымға шығады

Қазақстан Ұлттық банкі «Дала қазынасы» сериясымен JETI QAZYNA монеталарын айналымға шығарады, деп хабарлайды "Ұлт ақпарат".

Монеталар 100 теңгелік «uncirculated» сапамен нибрасс/нейзильбер қоспасынан дайындалған. Ал, коллекциялық монеталар 500 теңгелік алтыннан, 500 теңгелік күмістен, 5 000 теңгелік номиналы күмістен дайындалған.

200 теңгелік номинал бір блистерлік жиынтықта тұратын мельхиор қоспасынан дайындалған және 100 теңгелік номинал нибрасс/нейзильбер қоспасынан дайындалған, сапасы - «brilliant uncirculated».

Аталмыш монеталар «Дала қазынасы» сериясымен шығарылады. Нағыз қазақтың басты жеті қазынасы болған: ер жігіт, ақылды, сұлу әйел, құмай тазы, ақыл-білім, берен мылтық, жүйрік ат және қыран бүркіт. Ақылды жар – отбасының берекесі, құмай тазы – аң аулаудағы серігі, берен мылтықпен ұрыста сәтсіздікке ұшырамайды, жүйрік ат пен қыран бүркіт – жауапты сәтте көмекші, ал жан-жақты білім – дана шешім қабылдауға көмектеседі деп есептелген.

100 теңгелік биколорлы айналыстағы монеталар 7 түрде берілген - «ER JIGIT», «SULÝ ÁIEL», «QUMAI TAZY», «AQYL BILIM», «BEREN MYLTYQ», «JÚIRIK AT», «QYRAN BÚRKIT».

Бұл монеталар айналымға тек екінші деңгейдегі банктер арқылы шығарылады. Кейін айналымдағы өзге монеталармен бірге қолма-қол ақша түрінде пайдаланылады.

Монеталардың техникалық және нақты өлшемдері (массасы, диаметрі, қалыңдығы, металл қорытпасы) өзгеріссіз сақталған. Техникалық сипаттамасы жағынан олар номиналы 100 теңгелік монетаға ұқсас. Сол себепті «JETI QAZYNA» монеталарын қабылдау үшін төлем терминалдары мен басқа да кассалық техниканы қосымша қайта теңшеу талап етілмейді.

100 теңгелік номиналдың массасы – 6,45 г, диаметрі – 24,5 мм. Әр түрінен 500 000 дана, жалпы таралымы – 3,5 млн дана.

Алтыннан, күмістен және мельхиордан дайындалған «JETI QAZYNA» коллекциялық монеталары барлық жеті дала қазынасының көркем бейнесін бір монетада көрсетеді.

Блистерлік жиынтық номиналы 200 теңгелік «рrооf-like» сапасымен мельхиор қоспасынан дайындалған бір коллекциялық монетадан және номиналы 100 теңгелік «brilliant uncirculated» сапасымен нибрасс/нейзильбер қоспасынан дайындалған жеті биколорлы айналыстағы монетадан тұрады. Бұл блистерлік жиынтықтың таралымы - 25 000 дана.

Коллекциялық монеталары:

500 теңгелік номинал «proof» сапасымен 999/1000 сынамалы алтыннан тұрады, массасы 7,78 грамм, диаметрі 25 мм, таралымы 1 000 дана;

5000 теңгелік номинал «proof» сапасымен 925/1000 сынамалы күмістен тұрады, массасы 777,5 грамм, диаметрі 100 мм, таралымы 250 дана;

500 теңгелік номинал «proof» сапасымен 925/1000 сынамалы күмістен жасалған, , массасы 31,1 грамм, диаметрі 38,61 мм, таралымы 3 000 дана;

200 теңгелік номинал «рrооf-like» сапасымен МН 25 мельхиор қоспасынан жасалған, массасы 15 грамм, диаметрі 33 мм, таралымы 25 000 дана.

100 теңгелік номинал «brilliant uncirculated» сапасымен нибрасс/нейзильбер қоспасынан тұрады, массасы 6,45 грамм, диаметрі 24,5 мм, әр түрінен 25 000 дана, жалпы таралымы 175 000 дана.

Алтыннан және күмістен дайындалған монеталар кәдесыйлық орамда шығарылады және Қазақстан Ұлттық банкінің нөмірлік сапа сертификатымен жабдықталған. «рrооf-like» сапасымен мельхиор қоспасынан және «brilliant uncirculated» сапасымен нибрасс/нейзильбер қоспасынан дайындалған монеталар блистерлік жиынтықта шығарылады.

Айналымдағы коллекциялық және биколорлы монеталар Қазақстан теңге сарайында жасалған.

Бағалы металдардан жасалған және блистерлік жиынтықтардағы коллекциялық монеталарды сату күні туралы ақпарат сайтта жарияланады. Бұл монеталарды Ұлттық банктің барлық аумақтық филиалдарынан, сондай-ақ ҚҰБ интернет-дүкені арқылы сатып алуға болады.