Фото: instagram.com/idf
Израиль қорғаныс күштері елдің бүкіл аумағындағы бақылауды қалыпқа келтірді. Бұл туралы қорғаныс күштері баспасөз хатшысы, контр-адмирал Даниел Хагари мәлімдеді, - деп хабарлайды Tengrinews.kz сайты The Times of Israel басылымына сілтеме жасап.
Хагари соңғы бірнеше сағатта әскер мен палестиналық содырлар арасындағы қақтығыстардың "бірнеше" оқиғалары болғанын айтты. Оның сөзінше, әскерилер Шаар-ха-Негев аймақтық кеңесінде үш лаңкесті өлтірген. Сондай-ақ Беэреде бір адам, Холит пен Суфада бес адам, Алумимде төрт адам өлтірілген.
Хагаридің айтуынша, қазір ешбір қалада соғыс қимылдары жоқ.
"Ауданда әлі де лаңкестер болуы әбден мүмкін", - деді ол.
Хагари армия шекарадағы 24 қаланың 15-ін эвакуациялағанын және жақын арада эвакуациялауды жалғастыратынын хабарлады. Оның айтуынша, бұл кезеңде Сдерот эвакуацияланбайды.
661 рет оқылды
