Fitch Ratings рейтинг агенттігі Қазақстанның кредит рейтингін BBB деңгейінде растады, болжам - «тұрақты», деп хабарлайды primeminister.kz.
Агенттіктің пікірінше, Қазақстанның тұрақты рейтингі ел экономикасының тұрақтылығының жоғары деңгейін көрсетеді.
Рейтинг агенттігі мұнай бағасына және коронавирус індетінің таралуына байланысты айқынсыздыққа қарамастан, елде мемлекеттік қарыздың төмен деңгейі мен қолданыстағы және ықтимал сыртқы күйзелістерді азайту үшін қажетті фискалдық резервтердің едәуір көлемі сақталып отырғанын атап өтті.
Кредиттік бағалау тұрақтылығының оң факторы мемлекеттік институттардың сапасының жақсартылуы болып отыр.
Fitch рейтинг агенттігі 2020 жылы ұлттық экономиканың тұрақтылығын қамтамасыз етудегі нақты сектордың, оның ішінде өңдеу өнеркәсібінің, құрылыс пен ауыл шаруашылығының рөлін атап өтті.
Агенттіктің бағалауы бойынша, 2021 жылы экономиканың өсу қарқыны 3,5% құрайды. «Fitch Ratings» атап өткендей, Ұлттық банктің құбылмалы айырбас бағамы саясаты күйзелістерді сіңіруге мүмкіндік берді.
Ал теңге бағамының икемділігі 2014-2015 жылдары мұнай бағасы құлдырағаннан бері экономикалық саясат тетігінде елеулі жақсартуға айналды.
Fitch Ratings агенттігі Қазақстанның егемен кредит рейтингін одан әрі арттырудағы негізгі факторлар ретінде экономикалық саясаттың болжамдылығы мен тиімділігін ұлғайтуға, сондай-ақ ел экономикасын әртараптандыру және фискалдық резервтерін өсіру жөніндегі шараларды іске асыруды жалғастыруға бағытталған құрылымдық институционалдық реформалардың одан әрі жүргізілуін келтіреді.
Бұған дейін 17 ақпанда Қазақстан экономикасына қатысты пікірді Moody’s кредит агенттігі жариялаған болатын.
Жаңартылған кредиттік пікірге сәйкес, Қазақстанның рейтингі Baa3 «Оң» болжамды пандемияға дейінгі көрсеткіштеріне сай келеді.
1100 рет оқылды
_140_110.jpg)
