Алматы облысының полицейлері Еңбекшіқазақ ауданының орталығы Есік қаласында болған атысқа қатысушылардың бірін ұстады, - деп хабарлайды "Ұлт ақпарат".
Ұсталған 30 жастағы ер адам болып шықты. Қазір ол қамауға алынған. Тәртіп сақшыларының айтуынша, ер адам - қылмысқа қатысы бар негізгі күдікті.
"Полиция оқиғаның қалған қатысушыларын ұстауға бағытталған жедел іс-шараларды жалғастырып жатыр. Іс Қылмыстық кодекстің үш бабы - "Адам өлтіру", "Адам өлтіруге оқталу" және "Қару қолдана отырып бұзақылық жасау" бойынша тергеліп жатыр. Қылмыстық іздестіру барысы облыстық Полиция департаменті басшылығының ерекше бақылауында", - деді облыстық ПД баспасөз қызметі өкілдері.
1231 рет оқылды
