Фото: 2gis.kz
БҚО әкімі Орал әуежайының шетелдік инвесторларға сатылуына қатысты пікір білдіріп, әуежайдың 49 пайызы Ресей азаматтарына тиесілі екенін айтты, - деп хабарлайды Massaget.kz порталы.
"Бұл мәміле жасырын жасалған жоқ. Бұл - стратегиялық нысан, бірақ бүгінде ұшу-қону алаңы республикалық меншікте", - деді Төреғалиев Үкімет отырысы кулуарында.
Әкім әуежайдың 49 пайызы ресейліктердің меншігіне өткенін нақтылады. Бұл ретте үлес қандай заңды немесе жеке тұлғаға берілгені көрсетілмеген.
"Демек, стратегиялық нысандардың бәрі мемлекет меншігінде. Бұл - қызмет көрсететін басқарушы компания. Ешқандай қауіп жоқ, сондықтан тұрғындарға дұрыс ақпарат берулеріңіз керек", - деп түйіндеді ол.
Еске салайық, бұған дейін Премьер-министрдің орынбасары – қаржы министрі Ерұлан Жамаубаев Орал әуежайының сатылуы туралы қауесетке қатысты пікір білдірген болатын. Ол нысан сенімгерлік басқаруда болған деп жауап берді.
936 рет оқылды
