© AFP 2023 / MIKHAIL KLIMENTYEV
Түркия Президенті Режеп Тайып Ердоған күзде Қазақстанға келеді. Бұл туралы Премьер-министрдің орынбасары - Сыртқы істер министрі Мұрат Нұртілеу мәлімдеді, деп хабарлайды Sputnik Қазақстан.
"Биыл 3 қарашаға жоспарланған Түркі мемлекеттері ұйымының мерейтойлық оныншы саммитіне Президент Режеп Тайып Ердоған мырзаның сапарын ұйымдастырып, оны жоғары деңгейде өткізуге күш жумылдыруға уағдаластық", - деді Нұртілеу Түркия Сыртқы істер министрі Хакан Фиданмен өткен кездесуден кейін.
Оның айтуынша, саммит - серіктестігімізді стратегиялық тұрғыда дамытудың тағы бір жолы.
Айта кетейік, бүгін Қазақстанға ресми сапармен Түркия Сыртқы істер министрі Хакан Фидан келді.
Еске салайық, Түркі мемлекеттері ұйымының саммиті Түркістан қаласында өтеді.
465 рет оқылды
