18 сәу, 2022 сағат 11:47

Еңбек министрлігі 1 сәуірдегі орташа зейнетақы мөлшерін атады

Еңбек және халықты әлеуметтік қорғау министрлігі 2022 жылғы 1 сәуірдегі зейнетақы төлемдерінің орташа мөлшерін жариялады, - деп хабарлайды Tengrinews.kz.

2022 жылғы 1 сәуірдегі жағдай бойынша зейнеткерлер саны 2 миллион 245,6 мыңнан аса адам.

"2022 жыл 1 сәуірдегі жағдай бойынша зейнетақы төлемдерінің орташа мөлшері (базалық зейнетақы төлемін қоса алғанда) 105 344 теңге", - делінген хабарламада.

1 наурыздағы жағдай бойынша қазақстандықтарға 704,9 миллиард теңгеден астам зейнетақы төленді. Наурызда зейнетақы төлемдеріне республикалық бюджеттен 234,8 миллиард теңгеден астам бөлінді, оның 71,4 миллиард теңгесі базалық зейнетақыға, 163,4 миллиард теңгесі ынтымақты зейнетақыға төленді.

Еске салайық, наурызда зейнетақы төлемдерінің орташа мөлшері 105 538 теңге болған.