Жыл басында ұлттық экономика министрі болып тағайындалған Әсет Ерғалиев Қазақстанда азық-түліктің қымбаттауына қатысты пікір білдірді. Министр бұл туралы inbusiness.kz басылымына берген сұхбатта айтты, - деп хабарлайды Tengrinews.kz.
Бұған дейін Ұлттық экономика министрлігі осы мәселеге жауапты болған. Бүгінде бұл міндет Сауда министрлігіне жүктелген.
"Біз өз тарапымыздан, Ұлттық экономика министрлігі ретінде бұл мәселемен де айналысамыз. Әріптестерімізбен талқылау барысында мәселені шешу бойынша ұсынысымызды айтамыз. Бағаның өсуі туралы сөз болғанда, ол жерде импортталған инфляция үлесі бары түсінікті. Яғни бірінші орынға негізгі импорт алмастыру шығады. Бұған жүйелі түрде келу керек. Кез келген тауар өндірісінің барлық тізбегін қарастыра отырып, бизнеспен бірлесіп, мемлекеттік қолдаудың қажет ынталандыру шараларын қалыптастырып, осы жұмысты бүкіл тізбек бойынша құру керек", - деді Әсет Ерғалиев.
1699 рет оқылды
