Нұр-Сұлтанда тұрғын үйдің оныншы қабатынан құлаған бес жасар қызды өтіп бара жатқан ер адам ұстап қалған. Бұл туралы Төтенше жағдайлар департаменті мәлімдеді, - деп хабарлайды "Ұлт ақпарат" Massaget.kz порталына сілтеме жасап.
Ведомство мәліметінше, оқиға 31 шілдеде болған. Кешкі сегіздер шамасында Қабанбай батыр 42 мекенжайында 2017 жылғы қыз бала терезеден құлаған. Сол жерден өтіп бара жатқан ер адам қызды қағып алуға тырысқан.
"Ер адам құлаған қызды қағып алып жарақатын жеңілдетуге себепші болды. Қазір бала жансақтау бөлімінде жатыр.
Төтенше жағдайлар департаменті Талғат Әбдіханұлы есімді ер адамды марапаттау рәсіміне шақырды. Алайда ол қыздың жағдайына байланысты одан бас тартты", - делінген хабарламада.
501 рет оқылды
