Биыл елімізе 40 млрд кВт/сағат электр энергиясы өндірілді, яғни жоспар 100% орындалды. Бұл туралы Үкімет отырысында ҚР Энергетика министрі Нұрлан Ноғаев айтты, деп хабарлайды ҚазАқпарат.
«Биылғы төрт айда 18,1 млрд текше метр көлемінде газ өндірілді. Тауарлық газды ішкі тұтыну көлемі 7,8 млрд текше метрге жетіп, жоспар 110% орындалды. Сұйытылған мұнай газын өндіру көлемі 1,07 млн тонна болды, ал экспортқа шығарылған газ көлемі 2,87 млрд текше метрді құрады», - дейді Нұрлан Ноғаев.
Оның айтуынша, аталған кезеңде 40 млрд кВт/сағат электр энергиясы өндірілді, яғни жоспар 100% орындалды.
«Бірінші тоқсанның қорытындысы бойынша жаңартылатын энергия көздері нысандары өндірген электр энергиясының көлемі 0,8 млрд Квт/сағ құрап отыр, яғни жоспар 100% орындалды. Негізгі көрсеткіштерге қол жеткізу министрліктің тұрақты бақылауында», - дейді ол.
913 рет оқылды
