Ұлттық банктің ақша-кредит саясаты комитеті базалық мөлшерлемені +/- 1 п.т. дәлізімен жылдық 14,50% төмендетті, деп хабарлайды "Ұлт ақпарат" Ұлттық банктің баспасөз қызметіне сілтеме жасап.
Сәуірде инфляция төмендеді. Сыртқы инфляциялық жағдай орталық банктердің тежеу саясаты және әлемдік азық-түлік нарықтарындағы баға динамикасына сәйкес өзгерген жоқ. Экономика ішіндегі проинфляциялық қысым фискалдық ынталандыру, ТКҚ реформасы, ішкі сұраныс себептерінен сақталып отыр.
Келешекте 5%-дық инфляцияға жету ұзақ уақыт ұстамды қатаң ақша-кредит саясатын жүргізуді қажет етеді. Инфляцияның тұрақты түрде баяулауы базалық мөлшерлеменің төмендеуіне әкеледі. Қазіргі ақша-кредит шарттары инфляциялық үдерістердің баяулау қарқынын және инфляциялық күтулерді тұрақтандыруға бағытталған.
"Жылдық инфляция сәуірде 8,7% баяулады. Азық-түліктің сыртқы бағасына байланысты инфляцияның азық-түлік компоненті бойынша елеулі түрде төмендеуі байқалады. Орнықты сұраныс пен тұтынушылық кредиттеудің жеделдеуіне қарамастан, азық-түлікке жатпайтын инфляция да баяулап келеді. Ақылы қызметтер құнының өсуі ТКҚ бағасының қымбаттау әсерінен жеделдеді", – деп мәлімдеді ұлттық банк.
Сәуірде айлық инфляция 0,6% деңгейінде қалыптасып, жалпы алғанда орташа тарихи динамикаға (0,6%) сәйкес келді. Базалық инфляция көрсеткіштері екінші ай қатарынан баяулап отыр. Бұл азық-түлік тауарлары бағасының мейлінше төмендеуіне байланысты. Ал ТБИ-дің азық-түлікке жатпайтын және сервистік компоненттері нысаналы мәннен жоғары.
491 рет оқылды
_140_110.jpg)
