Бүгін Алматыда дзюдодан жасөспірімдер арасындағы әлем чемпионатының алауы жағылды, деп хабарлайды "Ұлт ақпарат".
Алатау бөктеріндегі «Балуан Шолақ» атындағы спорт сарайында өтіп жатқан әлемдік доданың алғашқы күні, яғни бүгін қыздардан екі (40, 44 келі) салмақ санатында, ұлдардан екі (50, 55 келі) салмақ дәрежелерінде алғашқы іріктеу айналымдары басталып кетті.
Бүгін Қазақстан намысын 7 дзюдошы қорғайды. Ал, финалдық кезең сағат 16:00-ге жоспарланған.
Естеріңізге сала кетейік, Халықаралық дзюдо федерациясының күнтізбесіне сәйкес өтетін әлем біріншілігінде 17 жасқа дейінгі жасөспірімдер 16 салмақ дәрежесінде бақ сынайды. Аталған біріншілікке әлемнің 64 елінен 500-ге жуық спортшы қатысуда.
1375 рет оқылды
