Атырау облысы Құрманғазин ауданында аудандық мәслихат депутатының 63 жылдық мерейтойына жылқы сыйға тартылған. Осыдан кейін туған күн иесі қатаң сынға ұшырады. Бұл туралы ATPress.kz жазады, - деп хабарлайды Tengrinews.kz порталы.
Әлеуметтік желіде мемлекеттік туға "оралып", шенеунікке жасалған ерекше сыйлық қызу талқыланып жатыр. Олардың көпшілігі ауыл тұрғындары шектен шыққан деген пікірге келіскен.
Жағдайға қатысты облыс әкімдігі пікір білдірді.
"Бұл сыйлық ардагерлер кеңесі қоғамдық бірлестігінің, сондай-ақ Құрманғазы ауданы, Еңбекші ауылдық округінің тұрғындары атынан жасалған. Туған күн иесіне құрмет ретінде атқа Қазақстан Республикасының мемлекеттік туының элементтері бар арнайы жабу жабылған. Айта кетейік, бұл жабу зоодүкенінен сатып алынған", - деді әкімдік өкілдері.
653 рет оқылды
