Қазақстан Денсаулық сақтау министрлігінің Дәрі-дәрмек саясаты департаменті Қарағанды фармацевтикалық кешенінде "Спутник Лайт" вакцинасының өндірісі неге кешігіп жатқанын түсіндірді, - деп хабарлайды Tengrinews.kz.
"Қазіргі таңда "Қарағанды фармацевтикалық кешені" ЖШС "Спутник Лайт" вакцинасын шығаруға дайын. Алайда Ресей Федерациясынан зат жеткізілмегендіктен "Қарағанды фармацевтикалық кешені" ЖШС алаңында "Спутник Лайт" вакцинасының өндірісі басталмады", - делінген ресми жауапта.
Ведомствода бұған дейін эпидемиологиялық жағдайға байланысты "Қарағанды фармацевтикалық кешені" ЖШС Денсаулық сақтау министрлігіне "Спутник Лайттың" 150 000 дозасын тегін бергенін атап өтті. Биылғы жылдың 19 қаңтарынан бастап 150 мың доза республика өңірлеріне жөнелтіліп, ревакцинация үшін пайдаланылды.
738 рет оқылды
_80_80.jpg)