Данияр Мейірхан Шымкент полициясында жаңа қызметке тағайындалды. Ақпаратты қалалық ПД баспасөз қызметі растады, - деп хабарлайды Tengrinews.kz агенттігі.
"Қазақстан Республикасының ішкі істер министрі Марат Ахметжановтың бұйрығы бойынша, полиция подполковнигі Мейірхан Данияр Мейірханұлы Шымкент қаласы ПД жанындағы патрульдік полиция полкінің бастығы - командирі болып тағайындалды", - деді Шымкент қаласы ПД баспасөз қызметі өкілдері.
Еске салайық, биыл мамырда Түлкібас ауданы полициясының басшысы Данияр Мейірхан қызметінен уақытша шеттетілгені белгілі болды. Ол аса ірі көлемдегі алаяқтық (ҚР ҚК-ның 190-бабы, 4-бөлігі, 2-тармағы) бойынша күдікті болды. Кейін ол 40 миллион теңге кепілмен босатылды.
14 қазанда адвокат Шимирбай Ағабеков Данияр Мейірханға қатысты қылмыстық іс тоқтатылғанын айтты. Бұл ақпаратты сыбайлас жемқорлыққа қарсы қызмет те растады.
676 рет оқылды
