ҚР Қаржы министрі Ерұлан Жамаубаев бюджет қаражатын толық игермеген орталық мемлекеттік органдарды атады, деп хабарлайды ҚазАқпарат тілшісі.
«Мемлекеттік бюджеттің шығыстары 97,8%-ке, республикалық бюджеттің шығыстары – 98,9%-ке, жергілікті бюджеттердің шығыстары – 97,2%-ке атқарылды. Республикалық бюджеттің шығыстары 12 трлн 503 млрд теңгені құрады және 137 млрд. теңге атқарылмаған. Оның ішінде 15 млрд теңге үнемделген, ал 122 млрд теңге игерілмеген», - деді Е. Жамаубаев Үкімет отырысында.
Әсіресе Қаржы министрлігі, Ішкі істер министрлігі, Орталық сайлау комиссиясы, Денсаулық сақтау министрлігі, Ауыл шаруашылығы министрлігі және Төтенше жағдайлар министрлігі айтарлықтай ірі сомаларды игермеген.
«Игерілмеудің негізгі себептері: конкурстық рәсімдерді, шарттарды жасасу рәсімдерінің ұзаққа созылуы, төлем құжаттарын ұзақ мақұлдау, атқарылған жұмыстардың актілерін ұсынбау, нақты көрсетілген қызмет, атқарылған жұмыстарға ақы төлеу және сот талқылаулары. Қаржы жылының соңына дейін республикалық бюджет бойынша 1 трлн теңгеден астам сомаға төлемдер жүргізілуі тиіс. Алдын ала деректер бойынша жыл қорытындысында республикалық бюджет шығыстарының атқарылуы 99,8% шегінде күтілуде. Сонымен бірге, жекелеген бюджеттік бағдарламалар бойынша игерілмеу тәуекелі бар», - деді Қаржы министрі.
1101 рет оқылды
_140_110.jpg)
