Фото: Tengrinews.kz/Әлихан Сариев
Алматыда бұрын McDonald's франшизасына тиесілі болған мейрамханалар ашылды, - деп хабарлайды Tengrinews.kz сайты.
Бұған дейін бұрынғы McDonald's желісінің сайтында хабарландыру пайда болған еді.
"Сен жақсы көретіннің бәрі жақын арада", - делінген хабарландыруда. Сондай-ақ, желінің маңдайшалары жаңартылып, онда "Біз Ашықпыз" деген жазу пайда болған.
Суреттер: Tengrinews.kz/Әлихан Сариев
23 қаңтарда сағат 10:00-де бұрын McDonald's-қа тиесілі мейрамхана өз есігін қайта ашты.
Мейрамхананың мәзірі елден кеткен McDonald's-тен іс жүзінде ерекшеленбейтін боп шықты. Негізгі өзгеріс - Дүниежүзілік брендтің сәйкестендіру белгілерінің жоқтығында.
Еске салайық, бұған дейін Қазақстанда McDonald’s брендінің мейрамханалары жұмысын тоқтатқаны хабарланған болатын.
806 рет оқылды
