Фото: Polisia.kz
БҚО ПД Бөрлі ауданының полиция қызметкерлері “Қарашығанақ” газ конденсаты кен орнына 10 млн теңгеден астам шығын келтірген күдіктіні ұстады, – деп хабарлайды "Ұлт ақпарат" Polisia.kz медиа-порталына сілтеме жасап.
"Бөрлі ауданы полиция бөлімінің криминалдық полиция қызметкерлері “Қарашығанақ” газ конденсаты кен орнының аумағынан түсті металдарды ұрлаумен айналысқан жұмысшыны ұстады.
Өткен жылдың қарашасында Бөрлі ауданы ПБ кезекші бөліміне КПО б.в. компаниясынан белгісіз тұлғалардың 2023 жылғы 7 қарашадан 8 қарашаға қараған түні “Қарашығанақ” газ конденсаты кен орнының аумағында қашықтағы монифольд станциясынан (RMS) әртүрлі қимадағы жерге қосу кабельдерін (70мм2 – 230 метр, 50мм 2-120 метр, 25мм 2-20 метр, 16мм 2-20 метр) жымқыру фактісі бойынша арыз келіп түсті" - делінген хабарламада.
Ұрлыққа қатысы бар куәгерлер мен адамдарды анықтау бойынша жедел-іздестіру іс-шаралары барысында КПО б.в. компаниясының қызметкерлерінен, сондай-ақ “Қарашығанақ” газ конденсаты кен орнын игерумен айналысатын компанияның қызметкерлерінен жауап алынған.
"Жедел-іздестіру іс-шарасы барысында Бөрлі ауданы полиция бөлімі криминалдық полициясының қызметкерлері “Қарашығанақ” газ конденсаты кен орнының қауіпсіздік қызметімен бірлесіп, осы қылмысты жасаған күдіктіні анықтап, ұстады. Ол кен орнына қызмет көрсететін мердігерлік ұйымда жұмыс істеген Ақсай қаласының 38 жастағы тұрғыны болып шықты.
Күдіктінің тұрғылықты жері бойынша санкцияланған тінту жүргізу кезінде оның үйінен және шаруашылық құрылыстарынан жылыту кабелінің 8 шығанағы (166 метр, 141 М., 269 М., 305 м., 80 м., 130 м., 96 М., 73 м.), кабельдерді жалғау муфталары – 207 бірлік, кабельді қосу қораптары – 45 дана, арнайы оқшаулағыш таспа – 11 қорап, сандық мультиметр – 3 бірлік, қалың сымды кабельдерге арналған кескіш – 1 бірлік, ұзындығы 1 м мыс қуат кабелінің сегменттері – 20 дана, қимасы бар мыс кабелі 4*10 – 20 метр, ұзындығы 40-60 метр күштік мыс кабелінің сегменттері – 41 дана, қуат көзі – 1 бірлік, 45 000 теңге сомасындағы ақшалай қаражат табылған және тәркіленген. Шығын көлемі шамамен 10 млн теңгеден асады" - делінген хабарламада.
Күдіктіге қатысты ҚР ҚК-нің 188-бабы 3-бөлігі (Ұрлық) бойынша сотқа дейінгі тергеу жұмыстары басталды. Оның осыған ұқсас қылмыстарға қытысының бар-жоғы анықталып жатыр.
661 рет оқылды
