Батыс Қазақстан облысында ауыл шаруашылығы мақсатындағы 1,532 млн гектардың пайдаланылмағаны анықталды, деп хабарлайды ҚазАқпарат.
Облыс әкімі Ғали Есқалиевтің айтуынша, соның 1,122 млн гектары мемлекетке қайтарылды.
Мемлекет басшысы Қасым-Жомарт Тоқаевтың Үкіметтің кеңейтілген отырысында жерді тиімді пайдалану керектігін атап көрсеткені мәлім.
Осыған орай ауыл шаруашылығы жерлерін тиімді пайдалануды бақылау жұмыстары күшейтіледі.
«Жыл соңына дейін БҚО-ның геоақпараттық порталы әзірленіп, жұмыс жасайтын болады. Бұл геопорталда жер телімдерін ауыл шаруашылығы өндірісін жүргізу үшін мақсатсыз пайдалануды анықтауға мүмкіндік беретін спутниктік түсірілім қолжетімді болады», - деді өңір басшысы.
1984 рет оқылды
