Денсаулық сақтау министрі Елжан Біртанов Нұр-Сұлтандағы №2 қалалық балалар ауруханасына өзі барып санитарлық авиациямен жеткізілген екі кішкентай науқастың жағдайымен танысты, – деп хабарлайды министрліктің баспасөз қызметі.
«№2 қалалық балалар ауруханасында балалардың еміне қажетті барлық жағдай жасалған. Білікті мамандарды шақырдық, мұнда медициналық аппараттар мен дәрі-дәрмек те жеткілікті. Балалардың жағдайы менің жеке бақылауымда болады», - деді ҚР Денсаулық сақтау министрі Елжан Біртанов.
2005 және 2011 жылдары туған екі кішкентай науқас Нұр-Сұлтандағы №2 қалалық балалар ауруханасындағы жансақтау бөлімінде жатыр. Дәрігерлер екі науқастың да бас миы мен көкірегін КТ өткізіп, біреуіне операция жасады. Отадан шыққан кішкентай пациенттің жағдайы өте ауыр. Екіншісінің жағдайы - тұрақты ауыр. Денсаулық сақтау министрі аурухана басшысына науқастардың денсаулығына қатысты қандайда бір өзгеріс болса дереу мәлімет беріп отыруды тапсырды.
1379 рет оқылды
