Алматы полициясы қала аудандарының бірінде бет-әлпетті тану жүйесін енгізу туралы меморандумға қол қойылмағанын мәлімдеді, деп хабарлады "Ұлт ақпарат".
«Бұқаралық ақпарат құралдарында полиция департаменті мен компания Алматы қаласының аудандарының біріне Qamqor атты тұлғаны тану жүйесін енгізу жөнінде меморандум жасасқаны туралы хабарлама тарады. Бұл - компанияның пилоттық жобасы. Олар жүйенің жұмысын Алматы қаласының Медеу ауданында көрсетуге ниет білдірді. Кездесу қорытындысы бойынша Алматы қаласының ПД меморандумға қол қойған жоқ», - деп хабарлайды қалалық полиция.
Бұған дейін «ақылды камералар» қанатқақты режімде Көк базар периметрі бойынша орнатылатыны хабарланған болатын.
«Алматы қаласы Медеу ауданындағы микроучаскелердің бірінде құқық бұзушылықты төмендету мен қылмысты анықтауға мүмкіндік беретін жаңа жүйені енгізу жоспарланып отыр. Жасанды талдау интеллектісі жобасы аудандағы құқық қорғау органдары, кәсіпкерлер және «Nur Otan» партиясы аудандық филиалы арасында тиісті меморандумға қол қойылғаннан кейін іске асырылмақ», - делінген Медеу ауданы баспасөз қызметінің мәліметінде.
1119 рет оқылды_140_110.jpg)
_80_80.jpg)
