ҚР Энергетика министрі Қанат Бозымбаев мемлекеттік органдардың бензин бағасының өсуін тоқтатқысы келетінін айтты, - деп хабарлайды "Ұлт ақпарат" kaz.tengrinews.kz порталына сілтеме жасап.
"Біз осы мәселе бойынша жұмыс істеп жатырмыз (бензин бағасының өсуін тоқтату - автор.)", - деді министр журналистерге үкімет отырысынан кейін.
Бозымбаевтың айтуынша, 2017 жылдың екінші жартысынан бастап Шымкенттегі мұнай өңдеу зауытын пайдалануға беру арқылы бензин бағасының өсуін тоқтатуға болады.
Сондай-ақ, министр қазақстандық жанармай бағасының көрші елдермен салыстырғанда төмен екенін айтып өтті.
"Мен халықтың орта табысын бензин бағасымен салыстырып отырған жоқпын. Бірақ егер сіздер бағаны Ресеймен салыстырсаңыздар, мысалы, онда А-92 бензины 180 теңге тұрады. Әрине, бағаны Еуропамен салыстыратын болсаңыздар, мүлде бөлек сандар шығады", - деді министр.
2060 рет оқылды
