©instagram/bukenov_aibolat
Батыс Қазақстан облысындағы өзенде мұзға қатып, 20-ға жуық киік қырылып қалды, - деп хабарлайды Tengrinews.kz агенттігі "Мой город" басылымына сілтеме жасап.
Жануарлардың видеосын блогер Айболат Бөкенов Facebook және Instagram-парақшаларында жариялады. Видео Қазталов ауданы, Көктерек және Жұлдыз ауылдары арасында түсірілген.
Қазталов ауданының әкімі Рүстем Зұлқашев ақбөкендер шынымен де өзеннен өтпек болғанда су қоймасында қырылып қалғанын айтты. Жануарлар суға түсіп, одан шыға алмай қалған.
"Мұз өте қалың. Қазір бұл жерде "Охотзоопром" және Бөкейорда табиғи резерваты қызметкерлері жұмыс істеп жатыр. Олар жануарлар өлексесін мұздан кесіп алады. Осыдан кейін акт жасалып, олар жойылады", - деді әкім.
© Facebook/Айболат Бөкенов
431 рет оқылды
