ҚР Бас прокуратурасы Le Figaro француз газеті арқылы Мұхтар Әблязовты жауап алуға шақыртты, деп хабарлайды "Ұлт ақпарат" ведомствоның баспасөз қызметіне сілтеме жасап.
«Қылмыстық-процесуалдық кодекстің 205-бабы 3-бөлігіне сәйкес, күдікті Қазақстан Республикасынан тыс елде жүргендіктен және сотқа дейінгі тергеу органына келуден жалтарғандықтан жауап алу үшін күдіктінің жүрген жерінің бұқаралық ақпарат құралдары арқылы оған арнайы шақырту жарияланады. 3 тамызда Le Figaro француз газетінде Әблязов мырзаға 2018 жылғы 16 тамызда сағат 15:00-де Қазақстан Республикасының Бас прокуратурасына түсінік беру үшін келу қажет екені туралы хабарлама жарияланды», делінген хабарламада.
Бұған дейін, 31 тамызда ҚР Бас прокуратурасы «БанкТұранӘлем» АҚ-ның бұрынғы басқарма басшысы Ержан Тәтішевті қасақана өлтіру дерегі бойынша тергеу амалдарына қатысу үшін Мұхтар Әблязовке ресми сайтта шақырту жариялаған еді.
2189 рет оқылды
