Фото:gov.kz
Ұлттық банк төрағасының орынбасары Берік Шолпанқұлов бақылауға алынған мобильді аударымдардың сомасын шектеуге қатысты пікір білдірді, деп хабарлайды Ult.kz, Sputnik.kzке сілтеме жасап.
Қазіргі кезде салықшылар мобильді аударымдардың санына қарайды. Атап айтқанда, ай сайын ондай адамға түскен аударымдардың саны 100-ден асып, үш ай қатарынан қайталанса, банктер салық органдарына тиісті ақпарат жібереді.
Енді мемлекеттік кірістер комитеті бақылауға алынған мобильді аударымдардың сомасын 255 теңгемен шектеуді ұсынып отыр. Бұл мәселе ұлттық банкте қарауына жіберілген болатын. Банк төрағасының орынбасары Берік Шолпанқұловтың айтуынша, қазіргі кезде салықшылардың ұсынысын техникалық тұрғыда іске асыру мәселесі пысықталып жатыр.
"Бүгінде банктер осы бастаманы техникалық тұрғыда іске асыру жайын қарастыруға кірісті. Егер растаса, онда болады. Егер істей алмаса, онда басқа жолдарын қарастырамыз. Бұл жерде техникалық іске асыру жағына қарау керек", - деді Шолпанқұлов сенатта өткен брифингте.
Оның сөзіне қарағанда, бақылауға алынған мобильді аударымдардың сомасына шектеу енгізілсе, банктерде аударымдардың санын ғана емес, сомасын да автоматты түрде бақылап, салықшыларға ақпарат жіберуге техникалық мүмкіндігі болуы керек.
148 рет оқылды
_140_110.jpg)
