Бұдан былай салық органдарының ақпараттық алаңдарында тек заңды тұлғалардың салық мәліметтері ғана қолжетімді болады, деп хабарлайды "Ұлт ақпарат".
Цифрлық даму, инновациялар және аэроғарыш өнеркәсібі министрі Бағдат Мусин салық төлеушілердің деректер базасына ішінара шектеулер енгізілетінін мәлім етті.
«Мемлекеттік органдардың барлық ақпараттық жүйелеріне ревизия жүргізіп жатырмыз. Әу баста жеке деректерді қорғау біздің міндетімізге кірмеген. Ал пандемия кезінде сандық арналар жетілдірілді. Сондықтан қазір жұмыс істеп жатырмыз. Ақпараттық қауіпсіздік комитеті де бір жыл бұрын құрылған. Өзі басым Qamqor.gov.kz. сайтын құрған болатынмын Кейін маған да кез-келген жағдайда, кез-келген адам ақпаратты тексере алмайтындай етіп, қандай адам ақпарат сұрайтынын білу үшін оны аутентификация арқылы жасаған дұрыс деп түсіндірді. Бұл журналистерді шектеу үшін жасалмайды. Бұл біздің азаматтарымыздың дербес деректерін қорғау үшін жасалады», - дейді министр.
Бағдат Мусин мемлекеттік орган сайттары арқылы бұрынғыдай кез келген адамның ЖСН деректерін табу мүмкін болмайтынын ескертті.
«Қазіргі жағдайда ақпараттық қауіпсіздік комитеті осы дерекқорға қолжетімділікті дұрыс іске асырудың әртүрлі нұсқаларын іздеп жатыр. Бүгінгі күні біз Мемлекеттік кірістер комитеті тек заңды тұлғалардың салық мәліметтерін алуға ғана рұқсат береді деген тоқтамға келдік», - деп толықтырды министр.
840 рет оқылды
