Фото: © atpress.kz
Атырауда жоғалған ер адам өлі табылды, - деп хабарлайды "Ұлт ақпарат" ІІМ баспасөз қызметіне сілтеме жасап.
Ведомство мәліметінше, 10 қыркүйекте достарымен балық аулауға кетіп үйіне оралмаған 1987 жылы туған Ербол Құсайыновтың өлі денесі 13 қыркүйек сағат 9:30 шамасында Жайық өзенінен, балық аулады деген жерден 50 метр қашықтықта табылды.
Алдын-ала болжам бойынша, жоғалған ер адам суға батып кеткен.
"Мүрдеге сот-медициналық сараптама тағайындалды, тергеу амалдары жүргізіліп жатыр" - делінген хабарламада.
404 рет оқылды
