Атырау облысында 5 вирусология тобы жұмыс істеуде, деп хабарлайды "Ұлт ақпарат".
Өңірлік коммуникациялар қызметінің мәліметінше, қазір коронавирус инфекциясының бар-жоғын анықтайтын экспресс-тест шет елдерден келгендерге, сондай-ақ жергілікті емханаларға ЖРВИ белгісімен жүгінген адамдарға жүргізілуде. Коронавирус анықталған адамдармен жақын қарым-қатынаста болған тұрғындарға да сынама-тест жүргізіледі. Дәрігерлер оның нәтижесін 6 сағаттан кейін алады.
«Атырау қаласында тұрғындардан сынама-тест алатын 5 вирусология тобы жұмыс істеуде. Жалпы, аймақта коронавирусты анықтауға арналған 700 тест бар. Сынама топтамалары қосымша қажет болса, тағы да тиісті мөлшерде жеткізілетін болады», - деп хабарлады Өңірлік коммуникациялар қызметінен.
1045 рет оқылды
