Фото: Астана қаласының әкімдігі
Астана қаласының әкімі Жеңіс Қасымбек Instagram парақшасында Құтқарушылар күні мерекесіне орай өртсөндіруші Асқар Забикулиннің бюсті ашылғанын хабарлады, - деп жазады елорда әкімдігінің ресми сайты.
«Бүгін – Құтқарушылар күні – Астанада өртсөндіруші Асқар Забикулиннің бюсті ашылды. Оның жанқиярлық әрекеті, қаһармандығы мен батылдығының арқасында адамдар құтқарылды. Асқар Забикулиннің ерлігі жүрегімізде мәңгі сақталады.
Бюст №6 Мамандандырылған өрт сөндіру бекетінің аумағында орналасқан. Сол сияқты батырдың құрметіне көше атауы беріліп, ескерткіш тақта орнатылды.
Құтқарушыларды кәсіби мерекелерімен құттықтаймын! Сіздер мыңдаған адамның өмірін ажал аузынан құтқарып қалдыңыздар. Сіздердің мамандықтарыңыз үлкен құрметке ие әрі қауіпті. Бәріңізге қызметтен ылғи да аман-есен оралуды тілеймін!» - деп жазды Жеңіс Қасымбек.
494 рет оқылды
