Астанада екі құрылысшы 14-ші қабаттан құлап кетіп, біреуі қаза тапты, - деп хабарлайды "Ұлт ақпарат" Polisia.kz Telegram арнасына сілтеме жасап.
"11 қараша Астана полициясына жұмысшылардың жоғарғы қабаттан құлағаны туралы хабарлама келіп түсті. Мән-жайды анықтау барысында тұрғын үй кешенінің 14-ші қабатындағы құрылыс жабдығында тұрған екі жұмысшының жерге құлағаны анықталды.
Құлағандардың бірі алған жарақатынан сол жерде қайтыс болды, ал екіншісі ауруханаға жатқызылды" - делінген ПД хабарламасында.
Бұл дерек бойынша сотқа дейінгі тергеу басталған. Қажетті сараптамалар тағайындалды.
1037 рет оқылды
