Фото: Freepik
Астананың Денсаулық сақтау басқармасы биіктен құлаған альпинистердің жағдайы туралы айтты, - деп хабарлайды Tengrinews.kz сайты.
Ведомствоның баспасөз қызметі мәліметінше, 12 қазанда №2 қалалық ауруханаға құрылыс алаңында биіктен құлап зардап шеккен үш адам түскен.
"Үшеуіне де көптеген жұмсақ тіндердің жарақаты, қабырға, жамбас сүйектерінің жабық сынуы, ішкі ағзалардың зақымдануы, жоғары дәрежелі шок және травматикалық жағдай диагнозы қойылды", - делінген ведомство хабарламасында.
Зардап шеккендер жансақтау бөлімдеріне жатқызылып, жарақаттарына хирургиялық ем жүргізілген.
"Көптеген ауыр жарақат салдарынан 1999 жылы туған зардап шегуші 12 қазанда сағат 17:40-та қаза болды", - деп толықтырды баспасөз қызметі.
13 қазандағы жағдай бойынша 1999 және 2002 жылы туған тағы екі зардап шегуші жансақтау бөлімінде жатыр, олардың жағдайы аса ауыр деп бағаланып отыр.
Еске сала кетейік, 12 қазанда түсте Астанадағы құрылыс нысандарының бірінде төрт өнеркәсіптік альпинист биіктен құлап кеткен болатын. 24 жастағы жұмысшы алған жарақаттарынан оқиға орнында көз жұмған.
557 рет оқылды
