Елорда тұрғыны полицияға өз еркімен 1886 жылғы француз винтовкасын алып келді, деп хабарлайды ҚазАқпарат қалалық полиция департаментіне сілтеме жасап.
Ер адамның айтуынша, ол қаруды марқұм атасынан мұра етіп алған, ол үйде ұзақ уақыт сақталған.
«Полиция анықтағандай, MANUFACTURE DARMES маркалы бұл қару француз дүкен мылтығы болып шықты. Қару әлемде түтінсіз оқ-дәріге арналған ойық қарудың алғашқы үлгісі болды. Сондай-ақ, 1989 жылы мылтық әлемдегі алғашқы болып патрон алған. Бірқатар кемшіліктерге қарамастан, 1930 жылдардың екінші жартысына дейін ол француз жаяу әскерінің тұрақты қаруы болып қалды. Комиссияның қорытындысына сай, тапсырылған қаруларға ақшалай төлем қарастырылады», - деді ведомстводан.
Айта кетейік, полиция департаменті халықтан заңсыз сақталған атыс қаруын, оқ-дәрілерді және жарылғыш заттарды сатып алу акциясын өткізуде. Акция аясында төрт күннің ішінде қала тұрғындары полицияға 5 қару тапсырды.
Қаруды өз еркiмен тапсырғандарға оның техникалық жай-күйiне қарай оннан жүзге дейiнгi АЕК мөлшерiнде төлем көзделген. Қару-жарақ заттарын қабылдау әрбір аумақтық полиция органында жүргізіледі.
698 рет оқылды_140_110.jpg)
_80_80.jpg)
