Астананың жаңа әкімі Жеңіс Қасымбек LRT жобасы алдағы жылдары аяқталатынына уәде берді. Бұл туралы ол Астанада Мемлекет басшысының қатысуымен өткен Үкіметтің кеңейтілген отырысы аяқталғаннан кейін айтты, - деп хабарлайды Tengrinews.kz агенттігі.
"LRT аяқталады. LRT екі-үш жыл ішінде аяқталады. Қаржыландыруға байланысты", - деді шаһар басшысы.
Сондай-ақ, журналистер шенеуніктен команда өзгеріп-өзгермейтінін сұрады.
"Мен ешкімді әкелмеймін, ешкімді өзгертпеймін", - деді Жеңіс Қасымбек.
Астана әкімі журналистерге жылдың аяғында дейін елорда тұрғындарымен кездесу өткіземін деп те уәде берді.
"Осы жылдың аяғында, жыл аяғына дейін кездесемін. Кездесулер басталды, екі күн бұрын үлескерлермен кездестім, мұндай кездесулер күнде өтіп тұрады", - деді Астана әкімі.
Айта кетейік, 8 желтоқсанда Жеңіс Қасымбек Астана әкімі болып тағайындалған.
775 рет оқылды
