Фото: REUTERS/Francois Lenoir - RTSHKKE
Қазақстан Үкіметі "АрселорМиттал Теміртау" АҚ кәсіпорындары басқа шетелдік инвесторларға беріледі деген қауесетті жоққа шығарды, - деп жазады Sputnik Қазақстан.
"Бұл ақпарат шындыққа жанаспайды. Қазіргі уақытта кәсіпорынды Қазақстан Республикасының пайдасына қайтару бойынша жұмыстар жүргізіліп жатыр. Үкімет "АрселорМиттал Теміртау" компаниясын одан кейін басқа шетелдік инвесторларға тапсыру мәселесін қарастырып жатқан жоқ", - деп хабарлады министрлер кабинетінің баспасөз қызметі.
Бұған дейін Үкімет "АрселорМиттал Теміртау" кәсіпорындарын Қазақстанға қайтару туралы алдын ала келісімге қол жеткізілгенін хабарлаған болатын.
Костенко атындағы шахтадағы апаттан кейін Президент Қасым-Жомарт Тоқаев Үкіметке "АрселорМиттал Теміртау" компаниясымен инвестициялық ынтымақтастықты тоқтатуды тапсырды.
576 рет оқылды
_140_110.webp)
