Фото: Depositphotos.com
"АрселорМиттал Теміртау" баспасөз қызметі әлеуметтік желілерде тараған «Миттал мен журналист әңгімесінің» мәтінін жоққа шығарды, - деп хабарлайды "Ұлт ақпарат" Stopfake.kz порталына сілтеме жасап.
Әлеуметтік желілер мен мессенджерлерде «Митталдың ашық әңгімесі» деп аталған хабарлама тарады. Мәтінде бұл "Arcelor Mittal" металлургиялық компаниясының ортақ иеленушісінің журналистпен «әңгімелесуінен үзінді» деп жазылған.
АМТ баспасөз қызметі бұл ақпаратты жоққа шығарды.
«Таралған хабарлама шындыққа жанаспайды», – деп хабарлады компанияның баспасөз қызметінен.
Желіден іздегенде «әңгімелесуден үзінді» әлеуметтік желілерде пост түрінде ғана шыққаны анықталды. Басқа дереккөздерде – ресми сайттарда немесе бұқаралық ақпарат құралдарында Лакшми Митталдың осы немесе Костенко атындағы шахтада болған қайғылы оқиғадан кейін берген басқа сұхбаттары туралы жазылмаған.
721 рет оқылды
_140_110.webp)
