04 қыр, 2022 сағат 16:14

«AMANAT» партиясының гуманитарлық көмек қабылдау пункттері жұмысын бастады

«AMANAT» партиясының барлық өңірлік филиалдарында Қостанай облысындағы табиғи өрттен зардап шеккендер үшін гуманитарлық көмек жинау пункттері жұмысқа кірісті. Онда бірінші кезекте қажетті тауарлар, азық-түлік (сақтау мерзімі ұзақ), жылы киім, тазалық құралдары керек, деп хабарлайды "Ұлт ақпарат".

Алматыдан келген ерікті Жандос Тәліповтың айтуынша, мұндай жағдайда шетте қалуға болмайды.

«Зардап шеккендерге жай сөзбен ғана емес, іспен де көмектескім келеді. Мен барша қазақстандықтарды зардап шеккендерге көмек көрсетуге шақырамын, Қостанай, біз біргеміз!» - деді ол.

«Дәл осындай уақытта біз елдігімізді, ауызбіршілігімізді көрсетуіміз керек. Себебі өзгенің басына түскен қиындыққа бейжай қарап, қол қусырып отыруға болмайды. Біз зардап шеккендерге мүмкіндігінше тезірек қалыпты өмірге оралуға жағдай жасап, көмектесуіміз керек», – деді өскемендік ерікті Марлен Әбубәкір.

Айта кетейік, қазірдің өзінде қазақстандықтар жолдаған алғашқы көмек жинау пункттеріне келіп түсіп жатыр.

Гуманитарлық көмек жинау пункттерінің мекенжайлары
№	Аймақ	Қала	Мекенжайлар
	Абай облысы	Семей	Шайжүнісов көш., 138
	Ақмола облысы	Көкшетау	Әуелбеков көш., 117
	Ақтөбе облысы	Ақтөбе	Тургенев көш., 86
	Алматы облысы	Қонаев	1 шағын аудан, 13
	Атырау облысы	Атырау	Әйтеке би көш., 79а
	Батыс Қазақстан облысы	Орал	Молдағалиев көш., 19
	Жамбыл облысы	Тараз	Сүлейменов көш., 1
	Жетісу облысы	Талдықорған	Қонаев көш., 47
	Қарағанды облысы	Қарағанды	Әлиханов көш., 4
	Қостанай облысы	Қостанай	Гоголь көш., 111
	Қызылорда облысы	Қызылорда	Жақаев көш., 15а
	Маңғыстау облысы	Ақтау	17 шағын аудан, 50/1
	Павлодар облысы	Павлодар	Кривенко көш., 25а
	Солтүстік Қазақстан облысы	Петропавл	Абай көш., 15
	Түркістан облысы	Түркістан	Мұсабек көш., 2а, коворкинг орталығы
	Шығыс Қазақстан облысы	Өскемен	Қайсенов көш., 121
	Ұлытау облысы	Жезқазған	Ғарышкерлер көш., 35
	Нұр-Сұлтан		Тәуелсіздік даңғылы, 3
	Алматы		Абылайхан көш., 79, коворкинг орталығы
	Шымкент		Бейбітшілік көш., 3