ҚР Ұлттық банкінің төрағасы Ерболат Досаев еліміздің алтын-валюта қорының қыркүйек айында кемуін алтынға деген сұраныстың артуымен байланыстырып отыр, деп хабарлайды ҚазАқпарат.
«Алтын-валюта резервтері биылғы жылғы қыркүйектің соңында 35,6 млрд доллар болып, қыркүйектің басынан бері 1,2 млрд долларға төмендеді.
Алтын портфелі АҚШ қазынашылық облигациялары кірістілігінің өсуі нәтижесінде алтын бағасының бір унция үшін 1731 АҚШ долларына дейін 4,6%-ке төмендеуі салдарынан 0,8 млрд долларға азайды», - деді ол Үкімет отырысында.
Ерболат Досаев бірыңғай жинақтаушы зейнетақы қорындағы активтердің жыл басынан бері 194,3 млрд теңгеге немесе 1,5% ұлғайғанын атады. Осылайша қыркүйектің соңында оның жапы көлемі 13,1 трлн теңге болған.
«Есепті күнге салымшылардың зейнетақы жинақтарын мерзімінен бұрын алуға арналған 491,7 мың өтініштерінің орындалып, 1,9 трлн теңге аударылды. Оның 97,5%-ы тұрғын үй мәселелерін шешуге тиесілі. Биылғы 9 айдың қорытындысы бойынша инфляция 6,2% болған кезде 8,9% мөлшерінде кірістілік алынды. Осылайша, биылғы жылдың басынан бастап Бірыңғай жинақтаушы зейнетақы қорының салымшылары үшін 2,7% мөлшерінде нақты кірістілік қамтамасыз етілді», - деді Ұлттық банк төрағасы.
788 рет оқылды
