Алматылықтар жанармай құю бекеттерінде дизель отынның жоқтығына шағымданды, - деп хабарлайды Tengrinews.kz.
Қала тұрғындарының айтуынша, жергілікті жанармай құю станцияларында дизель шектеулі мөлшерде сатылып жатыр. Яғни, әр көлікке 40 литр ғана беріледі.
"10 күн бұрын жанармай құйғанда бәрі жақсы болатын. Ал сенбі 40 литрден артық алуға рұқсат бермеді. Ал кеше және бүгін дизель таппадым. Барлық жерде жоқ. Бір жанармай құю бекетіннен тапқан едім, олар тек талонмен беретіндерін айтты", - дейді Toyota Land Cruiser Prado көлігін жүргізетін 60 жастағы Болат Ахметов.
Ал Энергетика министрлігі дизель отыны жеткілікті деңгейде екенін, тапшылық неліктен туындағанын білмейді.
"Алматыға баратын дизель отынының 13 мың тоннадан аса қоры бар. Ал Алматы облысына - 28 мың тонна жөнелтіледі", - деді ведомствоның баспасөз қызметі.
917 рет оқылды
