Алматыда гимназияның жаңа директоры мұғалімдер шағымынан кейін қызметінен кетті, - деп хабарлайды Tengrinews.kz.
Әңгіме биыл қыркүйекте жаңа басшы тағайындалған №86 мектеп-гимназиясы туралы болып отыр. Алайда кейбір ұстаздар бұл шешімге наразы болып, ұжымдық шағым жазған. Әкімдік мәліметінше, осыдан кейін директор қызметінен кеткен.
"Гүлзира Байшимирова 2022 жылғы 7 қазанда өзінің жеке өтініші негізінде №86 мектеп-гимназия директорының міндетін атқарушы қызметінен босатылды. Қазіргі уақытта мектеп директорының міндетін атқарушы Ш.Т. Ишамбаева", - деді Алматы қалалық білім басқармасы өкілдері.
Еске салайық, бұған дейін №86 мектеп-гимназиясының ұстаздары Байшимированы тағайындау кезінде өрескел заң бұзылғанын мәлімдеген болатын. Олардың айтуынша, ол тағайындалған қызмет бос болмаған және мектепте бос орын болмаған. Сондай-ақ, олар қабылдау үшін ешқандай конкурс өткізілмегенін атап өтеді.
558 рет оқылды
