Алматыда жантүршігерлік жол апатынан бір адам қаза тауып, 4 адам ауруханаға жеткізілді, деп хабарлайды ҚазАқпарат.
Жол апатының видеосы әлеуметтік желіде пайда болды.
Алматы қалалық Полиция департаментінің мәліметінше, жантүршігерлік жол апаты 19 мамырда түнгі сағат 23:45 шамасында болған.
«Toyota Grаcia» көлігінің 2001 жылғы жүргізушісі әл-Фараби даңғылымен батыс бағытта жүріп бара жатып рөлге ие бола алмай, бетон жиектасқа соғылып, кейін көлік әл-Фараби даңғылының бойымен батыс бағытта бара жатқан, 1994 жылы туған тұрғынның басқаруындағы «Chevrolet» маркалы автокөлігімен соқтығысқан. Әрі қарай ол жарнамалық тақтаның металл тірегіне кіріп кетті», - деді Алматы қалалық ПД анықтау басқармасының бастығы Олжас Шәріпов.
Жол-көлік апатының салдарынан «Toyota Grаcia» көлігінің 2001 жылы туған жолаушысы оқиға орнында қаза тапты, көліктегі қалған төрт адам, оның ішінде жүргізуші де әртүрлі дене жарақаттарымен емдеу мекемелеріне жеткізілді.
Полиция өкілінің айтуынша, бұл дерек ҚР Қылмыстық кодексінің 345-бабы 3-бөлігі бойынша соталды тергеп-тексерудің бірыңғай тізіліміне тіркелді.
1077 рет оқылды
